Еліміздегі рәміздердің 80%-ы Қарағандыда шығарылады

Алматы, NEGE. Аталған кәсіпорын биылдан бастап ту мен елтаңбаны және әнұран мәтінін басып шығару үшін нанотехнология қолданбақ. Бұл ел рәміздерінің пайдалану мерзімін 3 жылдан 5 жылға дейін ұзартуға мүмкіндік береді. Бұл кәсіпорында 90-ға жуық адам қызмет етеді. Олардың әрбірін «ел патриоты» деп атауға негіз бар. Себебі олардың айтуынша, ісіңе деген адалдық болмаса, басып шығара бергеннен түк өнбейді. Бұл жұмыста тиянақтылық, төзім және еліңнің рәміздеріне деген махаббат керек.

 Рәміздер барлық мекеме маңдайшасында тұрғандықтан олардың тозығы тез жететін. Бұрын елтаңбаға 3 жыл кепілдік берілсе, енді бұл 5 жылға дейін ұзартылды. Ту матадан жасалғандықтан оның кепілдік мерзімі аздау болады. Мамандардың сөзінше, кәсіпорында айына 1 мың елтаңба, 3 мыңға жуық ту тігіледі. Бұл сұраныстың жоғары екенін көрсетеді. Себебі өткен жылы ел Президентінің тапсырмасы бойынша мемлекеттік туды жекелеген азаматтардың пайдалану тәртібіне үкімет тарапынан өзгерістер енгізілген болатын.