Елімізде мұғалімдер жұмысқа байқау арқылы қабылданады
Ендігі уақытта Қазақстанда мұғалімдер жұмысқа конкурс арқылы қабылданады және ол электронды флрматта өтеді.
Алматы, NEGE. "Айтып өтетін маңызды мәселе, педагогтарды жұмысқа қабылдау енді конкурс арқылы нақты біліктілік көрсеткіштеріне сәйкес жүргізіледі және де оны электронды форматқа көшіреміз. Сондай-ақ, 2021 жылдан бастап педагогикалық мамандық бойынша жұмысқа тұру үміткерлер кәсіби шеберлігін анықтау мақсатында сертификаттаудан өтеді. Демек дипломнен бірге, квалификация алу міндеттеледі", - деді ҚР Білім және ғылым министрі Асхат Аймағамбетов ведомствоның кеңейтілген алқа отырысында.
Министрдің айтуынша, өткен жылы білім беру саласында сапалы өзгерістер орын алды.
"Педагог мәртебесі туралы" заңның аясында педагогтардың еңбек жағдайы жақсаруда. Айтар болсақ, мұғалімдерді тікелей міндеттеріне тән емес жұмыстарға әрі көзделмеген есептерге тартудан босату шаралары қабылданды. Одан бөлек, барлық өңірде педагогтарың құқықтарын қорғау жөніндегі кеңестер ашыла бастады. Биыл бұл жұмысты соңына дейін жеткізуді көздеп отырмыз", - деді ол.
Бұған дейін министр 2023 жылдан бастап мектептерде латын графикасы енгізілетіні туралы мәлім еткен болатын.