Елімізде коронавирустан көз жұмған науқастар саны күрт азайды
ҚР Денсаулық сақтау министрлігі соңғы тәулікте коронавирустан көз жұмғандар статистикасын жариялады.
Алматы, NEGE. Оған сәйкес, 29 қазан күні Қазақстан аумағында 17 адам - коронавирустан, тағы 2 сырқат - пневмониядан қайтқан.
Коронавирустан ажал құшқандардың ішінде ең көбі Алматы қаласы мен Солтүстік Қазақстан облысында - 3 науқастан.
Ақмола, Батыс Қазақстан және Павлодар облыстарында - 2, Нұр-Сұлтан қаласы мен Қостанай, Қызылорда, Алматы, Шығыс Қазақстан облыстарында - бір адамнан көз жұмған.
Тек Шымкент қаласы мен Атырау, Жамбыл, Қарағанды, Түркістан, Маңғыстау және Ақтөбе облыстарында ғана коронавирустан өлім-жітім болған жоқ.