Спорт
Елеусінов қашан рингке шығады?
Қазақстандық боксшы Данияр Елеусіновтың (10-0, 6 КО) промоутері Эдди Хирн клиентінің қашан рингке оралатынын айтып берді, деп хабарлайды Sports.kz порталы.
Алматы, NEGE. «Данияр осыған дейінгі жекпе-жегінде Индонгомен жақсы айқасып, жеңіске жетті. Ол дайын (үлкен жекпе-жектерге). Бұл жігіт 147 фунтта шығып жүрген кез келген боксшы үшін үлкен мәселеге айналады. Қазірдің өзінде үлкен қадамдар жасап жатқанын өздеріңіз де көріп тұрсыздар. Ол сәуірде рингке оралады», - деді Хирн.
Әзірге Елеусіновтың қарсыласы белгісіз.
Еске сала кетсек, қарашада Данияр екінші раундта намибиялық боксшы Джулиус Индонгоны (23-3, 12 КО) нокаутқа түсіріп, IBF Inter-Continental нұсқасы бойынша жартылай орта салмақтағы әлем чемпионы атағын жеңіп алды.