Елена Рыбакина WTA турнирінде жеңіліп қалды
Қазақстандық теннисші Елена Рыбакина (әлемнің 23-ракеткасы) Сан-Хоседе (Калифорния, АҚШ) өтіп жатқан WTA турнирінің жекелей сынында өз өнерін аяқтады.
Алматы, NEGE. Бірінші айналымда "Уимблдон-2022" жеңімпазы ресейлік Дарья Касаткинаға (әлемнің 12-ракеткасы) есе жіберді. Кездесу үш сетке созылып, 6:1, 2:6, 0:6 есебімен аяқталды. Теннисшілер кортта бір сағат қырық үш минут уақыт өткізді.
Осы уақыт ішінде Рыбакина төрт эйс жасап, үш қос қателік жіберді және сегіз ойыннан үш брейк-поинт қолданды. Келесі айналымда Дарья Касаткина америкалық Тейлор Таунсендпен (әлемнің 316-ракеткасы) ойнайды.
Айта кетейік, бұл Елена Рыбакина үшін Уимблдон турнирінде жеңіске жеткеннен кейінгі алғашқы кездесу болды.
