Елена Рыбакинаның жаңа бапкері белгілі болды
Хорватиялық маман Горан Иванишевич Қазақстанның бірінші, әлемнің бесінші ракеткасы Елена Рыбакинаның бапкері ретінде таныстырылды.
Алматы, NEGE. Бұл туралы Эр-Риядта (Сауд Арабиясы) WTA қорытынды турниріне орай өткен баспасөз мәслихатында теннисшінің өзі мәлімдеді.
Биыл Горан Иванишевич сербиялық, «Үлкен дулыға» жарысының 24 дүркін чемпионы Новак Джоковичпен бес жылдан астам уақытқа созылған бапкерлік байланысты аяқтады.
Елена Рыбакинаның жаттықтырушысы болғанын Иванишевичтің өзі әлеуметтік желіде растады.
Бүгін Елена Рыбакина WTA қорытынды турнирінде бастапқы кездесуін әлемнің төртінші ракеткасы, Италия өкілі Жасмин Паолинимен өткізеді.
