Спорт
Елена Рыбакина ресми түрде алғаш рет әлемнің екінші ракеткасы атанды
Әйелдер теннис қауымдастығының (WTA) ресми сайты соңғы өткен Индиан-Уэллс турнирінің (АҚШ) қорытындысы бойынша теннисшілердің жаңартылған тізімін жариялады.
Астана, NEGE. Индиан-Уэллсте WTA 1000 санатындағы ірі жарыс аяқталды.
Жекелей сында қазақстандық теннисші Елена Рыбакина финалға дейін жетті. Осы турнирдегі нәтижесінің арқасында ол тізімде үшінші орыннан екінші орынға көтеріліп, жеке рекордын жаңартты.
Рыбакинаның алдында тек Беларусь спортшысы Арина Соболенко тұр. Ол осы турнирде чемпион атанды.
Польшалық Ига Швёнтек үшінші орынға ығысты.
Қазақстанның тағы бір өкілі Юлия Путинцева да бір сатыға көтерілді, қазір ол 75-орында тұр.