Елена Рыбакина Қатардағы турнирдің үшінші айналымына өтті
Елена Рыбакина Доха (Катар) WTA 1000 турнирінің үшінші айналымына өтті, деп жазады Olympic.kz.
Алматы, NEGE. Жарыстың 3-ракеткасы болып тіркелген қазақстандық теннисші екінші айналымда дүниежүзілік рейтингіде 57-орында тұрған қытайлық Чжу Линьмен ойнады. Осыған дейін қарсыластар өзара екі рет кездесіп, бір-бірден жеңіске жеткен еді.
2019 жылы Аустралия ашық біріншілігінде қытайлық спортшы 6:2, 6:4 есебімен ұтса, кейін сол жылы қыркүйекте Рыбакина Уханьда (Қытай) қарымта қайырды – 7:5, 2:6, 6:0. Бұл жолы Елена матчты бірден брейкпен бастады – 2:0. Содан кейін сетті тағы бір брейкпен бітірді – 6:2. Екінші партия да осылай өрбіді – 3:0. Тағы бір брейк – 5:1.
Матчқа доп бергенде де қиналған жоқ – 6:1. Бір сағатқа жетпейтін уақыт ішінде Рыбакина 7 эйспен бірге 7 брейк-пойнттың төртеуін мүлт жіберген жоқ.
Елена Рыбакина жүлде қоры 3,2 млн АҚШ долларынан асатын жарыстың ширек финалына шығу үшін әлемнің 23-ракеткасы америкалық Эмма Наварромен кездеседі.