Елена РЫБАКИНА әлемдік рейтингте үшінші орынға көтерілді
Қазақстандық тенисші Елена РЫБАКИНА Әйелдер теннисі ассоциациясы (WTA) рейтингінде жаңа позицияға көтерілді.
Алматы, NEGE. Әйелдер теннисі ассоциациясы жаңартылған рейтингін жариялады. Бұл туралы Sport.kz хабарлады.
Әлемнің бірінші ракеткасы атағын польшалық теннисші Ива ШВЕНТЕК сақтап қалды. Екінші орында беларус қызы Арина СОБОЛЕНКО тұр. Ал біздің Елена РЫБАКИНА америкалық Кору ГАУФФТЫ төртінші орынға ысырып, үшінші орынға көтерілді.
Аустралияның Брисбен қаласында өткен WTA 500 турнирінің финалында Рыбакина Соболенконы жеңген болатын.
Тағы бір теннисші қызымыз Юлия ПУТИНЦЕВА рейтингте 64-орында тұр.
