Елена Рыбакина WTA титулын жеңіп алды
Қытайдың Нинбо қаласында өткен WTA-500 санатындағы турнирдің финалында әлемнің тоғызыншы ракеткасы, қазақстандық Елена Рыбакина ресейлік Екатерина Александровамен (WTA рейтингінде 10-орында) кездесті.
Алматы, NEGE. Рыбакина тартысты өткен финалда қарсыласын 3:6, 6:0, 6:2 есебімен ұтып, кәсіби карьерасындағы 10-шы WTA жекелей титулын жеңіп алды.
Бұл — оның екі WTA 1000 және бір "Үлкен дулыға" (Уимблдон) турниріндегі жеңісін қосқанда, Қазақстан тарихындағы рекордтық көрсеткіш.
– Бұл — ерекше жеңіс. Әр титулдың өз тарихы бар, бірақ оныншысының символдық мәні бар. Маусымның азиялық бөлігін осылай аяқтағаныма қуаныштымын. Маған әрдайым қолдау көрсететін командам мен Қазақстандағы жанкүйерлеріме көп рақмет, – деді Рыбакина матчтан кейін.
Қазір оқып жатыр
Спорт министрлігі: «Асаубаеваның дайындығына 2026 жылы 100 млн теңге бөлінді»
«Ақ үйде досыңыз бар деп айта аламын»: Тоқаев Трамптың арнайы өкілімен кездесті
2025 жылға арналған барлық әлеуметтік міндеттеме орындалды – Мәди Такиев
Шахматшы Бибісара Асаубаева Спорт министрлігіне шағымданып Тоқаевтан көмек сұрады
