Электр желілері бойынша тексеру жұмыстары жалғасуда
Энергетика саласынан құралған жұмысшы топ өкілдері Тұран шағын ауданы мен "Шымкент сити" аумағындағы тұрғын үй кешендерінің электр жүйелерін қарап шықты.
Алматы, NEGE. Тексеру барысында сол аумақта орнатылған 10 кВ электр тарату бекетіне келетін кабельдер жер бетінде жатқандығы және шағын ауданда электр қуатының өшуінің себебі жоғары жүктемеде жұмыс жасап жатқан уақытша тартылған электр желілері арқылы алып жатқандығы анықталып отыр.
Бұл мәселе жақын арада шешімін табады, негізгі электр көзі болып табылатын қосалқы станция құрылысы аяқталу үстінде. Ал, жер бетінде жатқан кабельдер бойынша мердігер мекемеге ретке келтіруге нұсқама берілді.
