Елдос Сметов жанкүйеріне теледидар сыйлады (видео)
Парижде өтіп жатқан ХХХІІІ жазғы Олимпиада ойындарының чемпионы атанған қазақ дзюдошысы Елдос Сметов жанкүйері Сәбит Қалыбековке теледидар сыйлады.
Алматы, NEGE. Әлеуметтік желіде Елдос Сметовтың финалдық ойынына жанкүйер болып, шынайы тілеулес болған ер адамның видеосы тараған болатын. Көпшілік жанкүйердің теледидары ескі екенін байқаған. Осыдан соң Сметов жанкүйеріне теледидар сыйлауды шешкен.
Елдосқа дейін де Сәбитке теледидар сыйлағысы келгендер болыпты. Алайда ол ұсыныстардан бас тартқан.
Актер Біржан Чопбаев Елдостың жанкүйеріне балуанның атынан техника дүкенінен теледидар таңдасып, оны сыйға тартқан видео жариялады.
Елдос Сметовтің өзі жанкүйеріне видео байланыс арқылы шығып, алғысын жаудырды.
«Алла разы болсын! Көріп отырып көзіме жас келді. Туған қанына жанкүйер болғандай әсер қалдырдыңыз», – деді Сметов.
Белгілі болғандай Сәбит Қалыбеков Алматы облысы Талғар ауданынының тұрғыны.