Елдос Сметов әлем чемпионатының қола жүлдесіне таласады
Дзюдодан Әбу-Дабиде өтіп жатқан әлем чемпионатында қазақстандық Елдос Сметов ширек финалда сүрінді, деп хабарлайды Olympic.kz.
Алматы, NEGE. 60 келі салмақтағы ширек финалдық белдесуде Сметов ресейлік Аюб Блиевпен кездескен болатын. Тартысты жекпе-жек қосымша уақытқа дейін созылып, ресейлік спортшы жеңіске жетті.
Енді Сметов турнирдің жұбаныш белдесуіне қатыспай, бірден қола медальға күресу мүмкіндігін алды. Себебі, оның жұбаныш белдесуіндегі қарсыласы, франциялық Ромен Валадье Пикар жарыстан шеттетілді.
Айта кетелік, бұл салмақтағы тағы бір өкіліміз Нұрқанат Серікбаев үшінші кезеңде жеңіліс тапты.
