Елдің көп бөлігінде дауылды ескерту жарияланды
Синоптиктер 10 облыста тұман түсіп, көктайғақ болады деп болжап отыр, деп хабарлайды 24.kz.
Астана, NEGE. Жамбыл мен Шығыс Қазақстан облыстарының таулы аймақтарында қар аралас жауын жауады. Барлық өңірде қатты жел соғып, оның екпіні секундына 25 метрге дейін жетеді деп күтіледі. Сондай-ақ 9 өңірдің тасжолында енгізілген шектеу әлі алынбағандығын да айта кету керек. Яғни, Ақтөбе, Жамбыл, Атырау, Алматы, Қызылорда, Ұлытау және Шығыс Қазақстан облыстарындағы жолдарда автокөліктердің қозғалысы қиындап тұр. ҚазАвтоЖол компаниясының мәліметінше, қазір аталған бағыттарда 191 бірлік техника мен 268 адам жұмыс істеп жатыр.