Елдегі 17 банктің басшылары 12,1 млрд теңге көлемінде сыйақы алған
Екінші деңгейлі банктердің басшылары мен топ-менеджерлері қаржыға қарық болуда, деп хабарлайды Еуразия бірінші арнасы.
Алматы, NEGE. Мәселен, 17 банктің тетігін ұстап тұрғандардың алған сыйақыларының жалпы көлемі, бонустарды қоса есептегенде 12,1 млрд теңгені құрапты.
Сыйақы беру жағынан ең жомарты ForteBank екен. Алғашқы бестікте Халық Банк, Сбербанк, Банк Хоум Кредит және Альфа-Банк бар.
Бір қызығы, бұлардан қаржылық ахуалы онсыз да мүшкіл саналатын үш банктің басшылары қалыспаған. Олар биылдың өзінде 342 млн теңге көлемінде сыйақы алған.
Бұл мәліметтер Finprom.kz порталында жарияланды.
