Елдана Тәліпова бокстан әйелдер арасындағы әлем чемпионатының финалына шықты
Бокстан Қазақстан құрамасының спортшысы Елдана Тәліпова Сербияның Ниш қаласында өтіп жатқан әйелдер арасындағы әлем чемпионатының финалына шықты.
Алматы, NEGE. Спортшы 81 келіден жоғары салмақ дәрежесінде алтын медаль үшін күреседі.
Жартылай финалда Тәліпова Молдова өкілі Дарья Сазонованы жеңді.
Осылайша, әлем чемпионатының финалында бес қазақстандық боксшы сынға түседі. Бұған дейін жартылай финалда Назым Қызайбай (48 келі), Алуа Балқыбекова (50 келі), Виктория Графеева (60 келі) және Аида Әбікеева (63 келі) жеңіске жеткен болатын.
Финалдық жекпе-жектер 16 наурызда өтеді.
