Елбасы Шавкат Мирзиеевпен сөйлесті
Елбасы Нұрсұлтан Назарбаев Өзбекстан Республикасының Президенті Шавкат Мирзиеевпен телефон арқылы сөйлесті. Олар бір-бірін келе жатқан Жеңістің 76 жылдық мерейтойы және Ораза Айт мерекесімен құттықтады, деп хабарлайды Тұңғыш Президентінің ресми сайты.
Нұр-Сұлтан, NEGE. Нұрсұлтан Назарбаев пен Шавкат Мирзиеев дәстүрлі көршілік, сенім мен көпғасырлық достық рухындағы екі ағайын ел игілігіне дамып жатқан қазақ-өзбек стратегиялық қатынасының қазіргі деңгейін жоғары бағалады. Оған саяси саладағы жемісті байланыстар, биылғы тауар айналымы көлемінің өсуі мен шекаралық сауда-саттық саласындағы іскерлік шеңбердің жаңа әрекет ету мүмкіндіктерін қалыптастыру, бірлескен экономикалық және өңіраралық жобалардың жүйелі жүзеге асуы, сонымен қатар мәдени-гуманитарлық бағдарламаларды жылжыту кепіл бола алады. Әңгіме соңында екі жақ өңірдегі бейбітшілікті, тұрақтылықты және қауіпсіздікті нығайту үшін Орталық Азия елдерімен әріптестікті дамыту мен тереңдету туралы ойларымен бөлісті.