Ел астанасында ауыр атлетикадан Азия біріншілігі өтеді
Ел астанасында ауыр атлетикадан Азия чемпионаты бойынша дүбірлі тартыс өтеді. Бұл жөнінде Қазақстан ауыр атлетика федерациясының баспасөз қызметі хабарлап отыр.
Алматы, NEGE. 18-25 сәуір аралығында Нұр-Сұлтандағы «Jekpe-Jek» сайыс өнері сарайында 2020 жылы Токиода өтетін ХХІІ жазғы Олимпиада ойындарының «алтын деңгейінің» біліктілік турнирін саралайтын ауыр атлетикадан Азия чемпионаты өтеді. Чемпионатқа Азия құрлығының 45 елінен ең мықты спортшылар қатысады.
Қазіргі уақытта 13 елден 139 спортшы ресми өтініш жолдады, ал қорытынды тізім 16 наурызға дейін белгілі болады. Осы аптада бас қаламызға Азия ауыр атлетика федерациясының (AFTA) өкілдері Дэвид Голдстром, Сирилак Татман және Афиния Даттуяваттар келіп, Азия чемпионатына дайындық барысымен танысты.
