Жоғалып табылған қызылордалық ару шындығын айтты
Қызылорда аруы -2017 Гұлнұр Нұртаза желі оқырмандарының сауалына жауап берді. Одан бөлек полицияның шындыққа жанаспайтын ақпарат таратқанын айтты.
Алматы, NEGE. Полицейлер не себепті олай жазды екен? Желіде шулап кеткен жаңалықтарды көріп сіздерден бөлісейін деп едім, себебі маған жазып жатқан адамдар өте көп. Біреуі жағдай сұрап жатса, біреуі "қайда қаңғып, көше кезіп жүрсің?" деп жазған еді.
Оның басты себебі осындай ақпараттар таратылып, яғни мені Тараз қаласында деп, сол жақтан табылды деп елді шулатты. Бұны мен түсінбеген, Неге бұлай жазды? Не себепті? деген сұрақтармен өзімді жегідей жедім. Иә мен ол кісілерге еш айыбым жоқ, тек мұндай ақпарат берудің басты түпкі мағынасын түсінбедім.
Желідегі мен туралы ақпараттардың бәрі менің қатысымсыз шығуда. Егер сіздер айтып жатқандай маған пиар керек болса, мені шақырып жатқан телеарналардың шақыруына барып өзімді көрсетер едім ғой? Мен Қазақстандағы, Ресейдегі шоу-телеарналардың бәріне қарсылық білдірдім ғой.
Көңіл аударғандарыңыз үшін баршаңызға рахмет. Маған тілеген дұға тілектеріңіз сіздерге екі еселеп қайтсын", - деп жазды Гүлнұр Нұртаза желіде.
Еске салсақ, әлеуметтік желілерде "Қазақстан аруы – 2019" байқауының финалисті Гүлнұр Нұртазинаның жоғалғаны туралы ақпарат пайда болды. Кейіннен Алматыда іздеу жарияланған "Қазақстан аруы-2019" байқауының финалисі Тараз қаласынан табылды деген ақпарат жарияланды.
Қызылорда аруы жағдайды өзі баяндап берді. Айтуынша, Гүлнұр жол апатына түсіп, ауыр жағдайға тап болған.
