Жеке куәлігі жоқ жүргізушілер қалай жазаланады?
Ішкі істер министрлігі әкімшілік полиция комитеті төрағасының орынбасары Серік Түсіпов қазақстандық жүргізушілерге жүргізуші куәлігі мен жеке куәліктерінің болмағаны үшін айыппұл қалай салынатынын айтты.
Алматы, NEGE. Ол тәртіп сақшыларының жүргізушілерге айыппұл салу мақсаты жоқ екенін атап өтті. Бірінші рет ескерту жасалады.
"Мұнда негізінен (95%) алдын алу жұмыстары жүргізілуде. Егер адам құжатты үйде бірінші рет ұмытып кетсе, онда ол ескертіледі. Егер ол екінші рет осындай әкімшілік құқық бұзушылық жасаса, белгіленген мерзім өткеннен кейін - бұл бірінші ескерту күшіне енгеннен кейін 10 күннен кейін, егер ол қайталап жасаса, тек сонда ғана біз 5 АЕК (14 585 теңге немесе 35 доллар) мөлшерінде айыппұл саламыз", - деді Түсіпов брифингте.
Кейбір жағдайларда, егер жүргізушіде ешқандай құжат болмаса, көлік тұраққа орналастырылады.
Еске салайық, "Қазақстан Республикасының кейбір заңнамалық актілеріне жол жүрісі мәселелері бойынша өзгерістер мен толықтырулар енгізу туралы" заңды қарап, қабылдады. Бұл құжат парламент депутаттарының бастамасымен әзірленді. Заңға көлік жүргізген кезде жүргізуші куәлігін және көліктің тіркеу құжаттарын өзіңмен бірге алып жүрмеуге мүмкіндік беретін нормалар енгізілді.