30 Қараша 17:09

Вакцина салдырмаған балалар сирек ауыра ма?

Фото:

Stopfake.kz порталы вакцина салдырмаған балалар сирек ауырады деген мәліметті тексеріп көрді. Бұл зерттеуді доктор Пол Томастың клиникасы жүргізген, - деп хабарлайды Tengrinews.kz.

Алматы. NEGE. "Пол Томас вакцинациялаудың зияны және індеттің ойдан шығарылғаны туралы мәлімдемелерімен танымал. Сондай-ақ, америкалық дәрігер вакцинациялаудың аутизмнің дамуына әсері туралы теорияны да қолдайды. Шын мәнінде, бұл миф бұрын әшкереленген. Бірқатар тәуелсіз зерттеулер аутизм мен вакцинациялаудың арасында ешқандай байланыс жоқ екенін дәлелдеді", - деп жазады портал. Дереккөз мәліметінше, Қазнет қолданушылары жариялаған вакцинацияланған және вакцинацияланбаған балалардың педиатрға жүгінулер саны көрсетілген кестелер дұрыс деп айту қиын. Онда зерттеуге қатысушылардың саны да, оны жүргізу кезеңі де көрсетілмеген. Сонымен қатар, бұл жағдайда туа біткен патологиялардың, созылмалы аурулардың, анамнездің болуы немесе болмауы сияқты басқа да маңызды факторлар көрсетілмеген дейді. Дереккөзге сүйенсек, ДДҰ сайтында бес жасқа дейінгі емделетін аурулардан көз жұмған балалар арасындағы өлім-жітім статистикасы жарияланды. Жаппай вакцинациялау жүргізуге қаржысы жетпейтін және балалардың көпшілігі екпе жасатпаған "үшінші әлем елдерінде" көрсеткіштер жоғары екені айтылады. Айта кетейік, 2018 жылы Еуропада қызылша ауруынан 37 адам қайтыс болды. Бұл - соңғы онжылдықтағы рекорд көрсеткіш. Мамандар өлім-жітім көрсеткішінің күрт өсуін ата-аналардың балаларға екпе жасаудан жаппай бас тартуымен байланыстырды. Дереккөз мәліметінше, Қазнетте егілгендерге қарағанда екпе жасатпаған балалардың сирек ауыратыны туралы фейк мәліметтер тараған.

Тегтер: