Шымкентте зейнеткерді зорламақ болған күдікті іздестіріліп жатыр
Оқиға 17 желтоқсанда шамамен сағат 23:15-те болған. Еңбекші аудандық полиция бөлімінің кезекші бөлімшесіне қарт әйелге жедел көмек қажеттігі туралы ақпарат түскен.
Алматы, NEGE. Оқиға орнына шұғыл барған жедел-тергеу тобы үйдің кіреберісінде 70 жастағы әйелге зорлық-зомбылық жасалмақ болғанын анықтаған.
Күдіктінің кім екені анықталды. Ол Шымкент қаласының тұрғыны. Бұған дейін бірнеше рет сотталған.
Аталған іс қылмыстық кодекстің 24-бабы 3-тармағы, 120-бабы 1-тармағы (зорлауға әрекет ету) бойынша сотқа дейінгі тергеп-тексерудің бірыңғай тізіліміне тіркелді.
