17 Ақпан 10:38

Өзбек студенттері Қазақстаннан неге кетіп жатыр?

Фото:

Қазақстанның білім және ғылым министрлігі өзбек студенттерінің жаппай кетуіне қатысты пікір білдірді.

Алматы, NEGE. Ол туралы Білім және ғылым вице-министрі Мирас Дәуленов өзінің Facebook парқшасында жазды.

«Баршаңызға мәлім, соңғы уақытта елімізде жоғары білім алып жатқан Өзбекстан азаматтарынан өзбекстандық жоғары оқу орындарына ауысу туралы өтініштер түсе бастады. Бұл шешім Өзбекстан елшілігінің өкілдерімен кездесу барысында анықталды. Оған Өзбекстанда жоғары білім алу мүмкіндігінің артуы себеп болып отыр» - деп түсіндірді Мирас Дәуленов.

Қолдағы ақпаратқа сүйенсек, өзбекстандық студенттер тек біздің елде ғана емес, сонымен қатар, өзге де шекаралас елдердің оқу орнынан да өздерінің тарихи отандарына ауысып жатыр.

«Қазір әлем бойынша халық жаппай жоғары білім алуға ұмтылады. Одан бөлек, барлық жерде академиялық мобилділік бойынша кедергілер жойылуда» - деп жазды ол..

Туындап отырған жағдай қазақстандық жоғары оқу орындарына кері әсер етпейтінін атап өтті.

Тегтер: