Олжас Сүлейменов: Қала атауын халықпен санаспай-ақ, 5 минутта ауыстыруға болады

21 қыркүйек, 11:21
Олжас Сүлейменов: Қала атауын халықпен санаспай-ақ, 5 минутта ауыстыруға болады
Фото: ғаламтордан

Белгілі ақын Олжас Сүлейменов Алматының бұрынғы Алма-Ата атауына қайта оралуы үшін жанын салып жүр. Неге? 

Алматы, NEGE.  Оның бұл пікірді айтып келе жатқанына неше жыл. Ақын енді бұл идеясын жүзеге асырудың таптырмас жолын айтыпты. Тіпті, халықты мазақ еткенмен бірдей дерсіз. «Байырғы Алма-Ата атауына қайта келу керек. Кейде қаланы халықпен санаспай-ақ 5 минутта ауыстыруға болады», – деді «Вечерний Алматы» газетіне берген сұхбатында. 

Сондай-ақ ол, «Біз бүгін мұны әуелі қазақстандықтар, алматылықтар, көпшілікпен ақылдасып шешу керек екенбіз. Егер президент халықты естісе, естиді, онда бұйрыққа қол қою керек болса, қояды. Меніңше, қаланың мерейлі жасына қарсы Алма-Ата атауы оралуы керек. Біз 1991 жылдан бастап жаңа атаудан бас тартып, ескісіне оралдық. Сондықтан осыны ескеріп, ескі Алма-Ата атауын қайта алып келейік» депті О. Сүлейменов.