6 Мамыр 11:49

Nur Otan партиясының бұрынғы депутатының мәйіті табылды

Фото:

Осыдан бір ай бұрын жоғалған "Нұр Отан" партиясы экс-депутатының мәйіті табылды. 63 жастағы Нұрлан Сүлейменовті құтқарушылар Қарағанды облысы Нұра ауданындағы өзеннен алып шыққан, деп хабарлайды Информбюро.

Алматы, NEGE. «5 мамырда Қарағанды облысы ТЖ сүңгуірлері мен учаскелік полиция инспекторлары іздестіру жұмыстарын жүргізу кезінде Нұра өзенінен Нұра ауданы Тассуат ауылының 63 жастағы тұрғынының мәйітін тапты. Туыстары танып, растады», – деді Қарағанды облысы полиция департаментінің баспасөз қызметі.

Оқиғаға қатысты тиісті сараптамалар тағайындалды.

«Өзен арнасы бойынша іздеу жұмыстарына судың деңгейі, күрделі рельеф, шұңқырлар, су астының толық көрінбеуі, өсімдіктердің көп болуы кедергі келтірді. Соған қарамастан, құтқарушылар үмітін үзбей бірнеше рет сол жерлерді тексеріп, іздеу жұмыстарын жүргізді. Қаза тапқан адам көлік табылған аумақтан төрт шақырым қашықтықтағы жерден табылды», – деп нақтылады ҚР ТЖМ ресми өкілі Талғат Уәли.

Тегтер: