Қазақстанда екі жаңа мереке пайда болады
Ұлттық экономика министрлігі Қазақстан Республикасындағы мерекелер тізіміне толықтырулар әзірледі.
Алматы, NEGE. Атап айтқанда, тізім мынадай жолдармен толықтырылады:
Қазақстан кәсіпкерлері күні – 9 қыркүйек;
Жарнама маманы күні – 19 желтоқсан.
"Қазақстан Тәуелсіздігінің 30 жылдығы қарсаңында жаңа мереке бекіту жөніндегі бастама жүргізіліп отырған мемлекеттік саясаттың басымдықтары мен елдің осы саладағы негізгі қоғамдық-саяси күштерінің шоғырлануын айғақтайтын болады", делінген құжатта.
Жаңа кәсіби мерекені «Жарнама туралы» Қазақстан Республикасы Заңының қабылданған күніне келтіру ұсынылады. Қазақстанда шамамен 100 мың жарнама маманы бар 2000-ға жуық жарнама ұйымы тіркеліп, жұмыс істейді.