Карантин жұмыссыздыққа қалай әсер етті?
Карантин кезінде көбісі жұмыстан босатылды, жұмыссыздық көбейді. Министрлік осыған қатысты қандай шаралар қолданып жатыр? Орталық коммуникациялар қызметінде өткен брифингте Еңбек және халықты әлеуметтік қорғау министрі Серік Шапкеновке Nege.kz тілшісі осындай сұрақ қойды.
Ведомство басшысы азаматтарды қолдау мақсатында бірқатар бағдарламалар қабылданғанын жеткізді.
«ТЖ, карантин кезінде кейбір өндірістерді, жұмыс орындарын тоқтатуға тура келді. Нәтижесінде азаматтар жұмыс істемей, үйде отырды. Осыған байланыс ел тарапынан дағдарысқа қарсы бағдарлама, Жұмыспен қамту жол картасы қабылданды. Соның аясында былтыр 239 мың жаңа жұмыс орны құрылды, оның ішінде уақытша және тұрақты жұмыс орындары бар. Бірақ азаматтарды осы жұмыс орындарына тарту арқылы өткен жылы жұмыссыздық деңгейін 4,9% деңгейінде сақтай алдық. Егер бұл шаралар дер кезінде қабылданбаса, жұмыссыздық деңгейі бұдан да артық өсуі мүмкін еді», - деді министр өз жауабында.
