3 Ақпан 17:01
Қарақшылар қолға түсті
«Ақмола облысында кәсіпкерден ірі көлемде ақша ұрлаған күдік
тілер қолға түсті», – деп хабарлады облыстың полиция департаментінің баспасөз қызметі.
Алматы, NEGE. Қылмыс 28 қаңтарда Атбасар қаласында жасалған. Жәбірленуші 46 жастағы жеке кәсіпкердің айтуынша, екі белгісіз жас жігіт оған дене жарақатын салып, қолсөмкесіндегі 27,5 мың АҚШ доллары көлеміндегі ақша мен жеке құжаттарын, банк карталарын тартып алып кеткен. Жедел тергеу-іздестіру шаралары нәтижесінде Атбасар қаласының 26 және 28 жастағы тұрғындары анықталып, тұтқындалған.
Аталған факті бойынша ҚР ҚК 191-бабы (қарақшылық шабуыл) бойынша сотқа дейінгі тергеу амалдары жүргізілуде. Күдіктілер уақытша ұстау изоляторына қамауда.