Енді градусник жоқ
Солтүстік Қазақстан облысы дәріханаларына градусник жеткізетін ешкім жоқ, деп хабарлады ҚазТАГ.
Алматы, NEGE. «Иә, ондай мәселе бар, біз ол туралы білеміз, қазіргі таңда еш жерде градусниктер жоқ», - деді СҚО әкімінің орынбасары Ғани Нығыметов бейсенбідегі брифингте.
Ол нақтылағандай, бүгінгі таңда өңірдегі дәріханаларға градусниктер жеткізетін ешкім жоқ.
«Бұрынғы жеткізуші жабылып қалды, қазір жаңасы іздестіріліп жатыр», - деді Нығыметов.
Бірнеше апта бойы облыс тұрғындары еріктілер мен әлеуметтік желі арқылы бір-бірінен градусник іздеуге мәжбүр.
