Еліміздің бірнеше өңірінде үсік жүреді
20 маусымда Қазақстанның бірнеше аймағында ауа-райының бұзылуына байланысты ескерту жарияланды.
Алматы, NEGE. Шығыс Қазақстан облысында күндіз кей жерлерде қатты жаңбыр жауады. Жауын-шашынмен қатар бұршақ түседі. Жел шығыстан, оңтүстік-шығыстан екпіні секундына 15-20, кей жерлерде 25 метр жылдамдықпен соғады. Өскеменде дауыл болады деп күтілуде. Оңтүстік-шығыстан соққан желдің екпіні секундына 18 метр. Семейде де дауыл болады деп күтілуде. Оңтүстік-шығыстан соққан желдің екпіні секундына 18 метр.
Күндіз Батыс Қазақстан облысының кей жерінде 35-38 градус аптап ыстық болады. Түнде Солтүстік Қазақстан облыстарында 2 градусқа дейін сынап бағаны төмендеп, үсік жүреді.
Ақмола облысында түнде кей жерлеріндеде сынап бағаны минус 2 градусты көрсетеді. Түнде және таңертең тұман болады.
Түркістан облысында шаңды дауыл соғады. Бұл өңірдің шығыс аймағында жел екпіні секундына 15-20, күндіз 23 метр жылдамдықпен шаңдатады. Шымкент пен Түркістан қалаларында қатты жел тұрады деп күтіледі.
Қызылорда облысында солтүстік-шығыстан соққан жел екпіні секундына 15-20, кей жерлерде екпіні 23 метр жылдамдықпен құйындатады. Қызылордада шаңды дауыл қаупі сақталады.
Күндіз Маңғыстау облысының кей жерлерінде шаңды дауыл болады. Оңтүстік-шығыстан соққан желдің екпіні - 18 м /с. Кей жерлерде 40 градус ыстық болады деп күтілуде.
Ақтауда 20 маусымда күндіз 38 градус ыстық болады.
Дауылдың болу ықтималдылығы 85-100%.