Елдімекендерде 15 млн түп ағаш егіледі
Экология, геология және табиғи ресурстар министрі Мағзұм Мырзағалиев: «Орман – қазақстандықтардың байлығы», – деді.
Алматы, NEGE. Министрдің мәлімдеуінше, Қазақстан орман алқабы аз мемлекет. Орман қорына жататын жердің жалпы көлемі 30 млн гектарды құрайды. Еліміздің 11%-ын ғана орман алып жатыр. «2030 жылға қарай елдегі орман алқабы көлемін 5%-ға дейін ұлғайту жоспарланды. Қазір ол 4,8%-ды құрап отыр. 5 жыл ішінде орман алқаптарында 2 млрд және елдімекендерде 15 млн түп ағаш егіледі. Бұл бағытта министрлік облыс әкімдіктерімен бірлесіп, өңірлер бойынша ағаш отырғызу көлемін анықтады. Премьер-министрдің тапсырмасы бойынша қазіргі уақытта орман алқаптарын көбейту мен орман өсірудің кешенді жоспарын әзірлеу бойынша жұмыс жүріп жатыр», – деді Мағзұм Мырзағалиев.
