Алматыда қар көшкіні болуы мүмкін
Қар көшкінінің жүру қаупіне байланысты тау бөктерлеріне шығуға тыйым салынады. Алматыда ауа райына байланысты ескерту жарияланды, деп хабарлайды Төтенше жағдайлар департаментінің баспасөз қызметі.
Алматы, NEGE. Алматыда ауа райына байланысты ескерту жарияланды, деп хабарлайды Төтенше жағдайлар департаментінің баспасөз қызметі. Департамент таратқан мәліметтерге қарағанда, жылымықтың аясында жауын-шашынның түсуіне және қар жамылғысының тұрақсыздығы мен биіктігінің жоғары болуына байланысты Үлкен және Кіші Алматы су алабтарында 28-30 наурыз аралығында қар көшкіні қаупі сақталады.
«Көшкін жүру қаупі мүмкін болуына байланысты, қарлы тік жартастарға шығуға болмайды.Тауда абай болыңыздар» делінген ведомстваның хабарламасында. Бұған дейін, Қазгидромет 28 наурыз күнгі ауа райы болжамын жариялаған болатын. Республиканың кей жерлерінде тұман түсіп, көктайғақ болады, жел күшейіп, солтүстікте, солтүстік-батыста, шығыс пен орталықта бұрқасын болады.
