8 жастағы қызын үйден жалаңаш қуып жіберген
Нұр-Сұлтан қаласының тұрғыны өзінің балаларын бұзықтығы үшін қатаң түрде жазалауды шешкен.
Алматы, NEGE. Жылап отырған қыздың суреттері әлеуметтік желілерде тарап жатыр. Ішкиімі ғана бар қыз үйдің кіреберісінде отыр. Басқа бір суретте ол еденде дәлізде ұйықтап жатыр.
23 желтоқсанда сағат 21.20-да бір жанашыр әйел полицияға хабарласқан. Ол көршісінің 6 жасар ұлын ұрып, ал 8 жасар қызын жалаңаш көшеге шығарып жібергенін айтты.
"Полиция қызметкерлері 35 жастағы әйелді анықтады, ол көршісінің киім жаюға арналған қыстырғыштарды сұрамастан алып, ойнаған балаларын осылай жазалағысы келгенін түсіндірді. Отбасы Нұр-Сұлтан қалалық ПД-ның Ювеналды полициясына тіркеуге алынды", - деп хабарлады елордалық ПД.
Жазба авторы анасы осылайша қызын сөз тыңдамағаны және еркелігі үшін жазалағанын мәлімдеген.
