276 елдімекен мен 270 мыңнан астам адамды су басу қаупі бар
Елімізде 276 елдімекен мен 270 мыңнан астам адамды су басу қаупі бар, деп хабарлады Төтенше жағдайлар министрі Юрий Ильин.
Нұр-Сұлтан, NEGE. «Су тасқыны қаупі бар аймақта бүкіл ел бойынша 276 елдімекен бар, бұл 270 мың адамнан асады. Оларды су тасқынынан қорғау үшін 2023 жылға дейінгі жаңа Жол картасы бекітілді. Оны жүзеге асыру үшін республикалық (Т131,6 млрд) және жергілікті (Т28,6 млрд) бюджеттерден 160 миллиардтан астам қаржы бөлу жоспарланып отыр», - деді Ильин.
Сонымен қатар, ол су тасқыны қаупі автомобиль жолдарының 482 учаскесі мен теміржолдың 673 учаскесінде бар екенін айтты.
«Бүгінде республикада су тасқынына ұшыраған автомобиль жолдарының 482 учаскелері және теміржолдардың (673) 600-ден астам учаскелері бар. Тасымалдаулар мен көлік инфрақұрылымының бұзылуын болдырмау үшін біз Индустрия және инфрақұрылымды дамыту министрлігімен бірге әкімдіктер алдын-ала қорғаныс-профилактикалық шараларды қабылдауы қажет деп санаймыз», - деп толықтырды министр.