Жаңалықтар 10:16, 01 Тамыз 2024

Экология министрлігі жылына 3 млн ағаш отырғызуды жоспарлап отыр

Мемлекет басшысының 2 млрд ағаш отырғызу жөніндегі тапсырмасы аясында Қазақстан экология жағдайын жақсарту бойынша белсенді іс-қимылдарды жалғастыруда.

Алматы, NEGE. 2021 жылдан 2023 жылға дейін 840 млн-ға жуық ағаш пен бұталар отырғызылды, бұл жоспарланған көлемнің 83%-ына тең. Арал теңізі аймағында теңіздің құрғаған табанында орман мелиорациясы бойынша жұмыс жалғасуда.

2025 жылға дейін 1 млн гектардан астам, ал 2024 жылға 275 мың гектарға жұмыс жүргізу жоспарланған. Сонымен қатар елді мекендер аумағында 15 млн ағаш отырғызылуда.

Жыл сайын 3 млн ағаш егу жоспарланып отыр. Президенттің бастамасымен биылғы наурыз айында басталған «Таза Қазақстан» акциясы 800 мыңнан астам қатысушыны аумақтарды тазартуға және жасыл желек отырғызуға біріктірді.

Биыл «Бүкілқазақстандық орман отырғызу күні» өтті, оның барысында 203 мыңға жуық ағаш отырғызылды.

Ағаш отырғызу Үкімет Экология министрлігі