«Екінші толқын ұзаққа созылуы мүмкін»: Министрлік маңызды мәлімдеме жасады
Коронавирустың екінші толқыны ұзаққа созылады. Денсаулық сақтау министрлігіне қарасты Ұлттық орталық маманы осындай болжам жасады деп хабарлайды Еуразия бірінші арнасы.
Алматы, NEGE. Екінші толқынның ұзаққа созылатынын денсаулық сақтау министрлігі қоғамдық денсаулық сақтау ұлттық орталық басшысының орынбасары Бауыржан Жүсіпов мәлімдеді. Оған екі себер бар, дейді маман.
"Біріншіден, қазіргі коронавирустың толқыны респираторлық кезеңге тап келді. Тұмау, не басқа жұқпалы ауру қазанда басталып, сәуірде аяқталады. Демек, осының өзі коронавирус таралу мезгілін созуы мүмкін. Екіншіден, медицинада инфекция тез шарықтау шегіне жетсе, тез қайтады деген қағида бар. Бірақ біз қазіргі вирустың олай қатты тарағанын көріп отырған жоқпыз", - деп түсіндірді ол.
Маманның айтуынша, соңғы аптада өршіген коронавирус желтоқсан айында келеді деп болжанған екінші толқынға ұласуы әбден мүмкін.