Екінші ауысымға сабақ болмайды
Елордада екінші ауысымдағы мектеп оқушылары мен колледж студенттеріне сабақ болмайды.
Алматы, NEGE. «23 қаңтар күні ауа райының бұзылуына байланысты қала мектептерінде екінші ауысымдағы 0-11 (12) сынып оқушылары және колледждердің 1-2 курс студенттері оқымайды», – делінген Нұр-Сұлтан қалалық Білім басқармасының ақпаратында. Айта кетейік, елордада бірінші ауысымдағы 1-11 сыныптар мен колледждердің 1-2 курс студенттері үшін оқу процесі тоқтатылған болатын.
Сондай-ақ, қалаға іргелес Ақмола облысында бастауыш сынып оқушылары мектепке бармады. Кеше елордада екінші ауысымдағы оқушылар оқыған жоқ. Синоптиктер 22-24 қаңтар күндері бас қалада ауа райы бұзылатыны жөнінде ескерткен болатын. Нұр-Сұлтан қалалық Полиция департаменті жүргізушілерді жолда абай болуға шақырды.
