Екібастұздықтар төтенше жағдай жариялауды талап етті
Әлеуметтік желіде Екібастұз тұрғындарының жылу мәселесіне байланысты үндеуі жарияланды. Олар қала басшылығынан төтенше жағдай жариялауды талап етті.
Алматы, NEGE. Үндеу Ekibastuz_blog Instagram-парақшасында жарияланды. Тұрғындардың айтуынша, пәтерлерде жылу жоқ. Сондықтан үйде аяқ киім мен қалың күрте киіп жүруге мәжбүр.
"Құрметті қала әкімі! Төтенше жағдай жариялаңыздар! Нені күтіп отырсыздар? Барлығымыз үсіп қалғанды ма? Адамдарды мазақ қылу. Далада -20 градус, ал үйде 10 градус қана. Батарея салқын, ыстық су жоқ. Тұрғындар үшін бір шара қабылдаңыздар. Пәтерлерде мүмкіндігі шектеулі адамдар тұрады", – делінген үндеуде.
