Екібастұзда шамадан тыс көмір тиеп алған жүк көлігінің жүргізушісі жазаланды
Екібастұзда жүк көлігінің жүргізушісі жол ережесін бұзғаны үшін жауапқа тартылды, деп хабарлайды Polisia.kz.
Алматы, NEGE. Екібастұзда MAN жүк көлігінің жүргізушісі ҚР Әкімшілік кодексінің үш бабы бойынша жол ережесін бұзғаны үшін жауапкершілікке тартылды.
– Жол қозғалысы ережелерін бұзғаны туралы бейнені бей-жай қарамайтын жүргізушілер инстаграмдағы @up.ekibastuz аккаунтын жіберді. Кадрларда жүк көлігінің жүргізушісі көмірді тасымалдау кезінде шатырды қолданбағанын көруге болады. Көпір астындағы автокөлік құралының қозғалысы кезінде шамадан тыс жүктелген көмір асфальтқа төгіліп, жолды ластап, жол қозғалысы қауіпсіздігіне қауіп төндірді, – деп хабарлады Павлодар облысы Екібастұз қаласы ПБ бастығының бірінші орынбасары Төлеген Құдайбергенов.
Патрульдік полиция ротасының полицейлері Екібастұз қаласының тұрғыны – 34 жастағы жүргізушіні анықтады. Ол бірден ҚР ӘҚБтК-нің үш бабы бойынша, яғни 505-бабының 1-бөлімі (Қалалар мен елді мекендердің аумақтарын абаттандыру қағидаларын бұзу, сондай-ақ инфрақұрылым объектілерін бұзу, қалалар мен елді мекендердің жасыл желектерін жою және зақымдау), 593-бабы 1-бөлімнің (Жол жүрісі қағидаларында көзделген жолаушылар мен жүктерді тасымалдау жөніндегі талаптарды сақтамау), 630-бабы 1-бөлімнің (Жолдардың, теміржол өткелдерінің және басқа да жол құрылыстарының зақымдануы) жауапқа тартылды.
Полиция 7 АЕК көлемінде айыппұл төлеуден басқа, жүргізуші жол жамылғысын шашыраңқы көмірден тазартқанын атап өтті.
