Екібастұз ЖЭО-ның жылыту маусымына дайындық барысы тексерілді
Энергетика министрлігінің баспасөз қызметінің мәліметінше, аталған министрліктің атом және энергетикалық қадағалау-бақылау комитетінің төрағасы Сұңғат Есімханов Екібастұз ЖЭО-ның алдағы жылыту маусымына дайындық барысын тексерді
.
Алматы, NEGE. «Павлодарэнерго» АҚ және «Екібастұзтеплоэнерго» ЖШС басшылығымен жылыту маусымының өтуіне дайындықтың өзекті мәселелері, оның ішінде жөндеу жұмыстарын уақтылы, сапалы жүргізу тәуекелдері, негізгі жабдықтың авариялық аялдамалары және т.б. талқыланды, − делінген ақпаратта.
Осы күндері Екібастұз ЖЭО «Екібастұзтеплоэнерго» ЖШС-де 7 қазандық агрегатқа күрделі жөндеу және 1 қазандық агрегатқа ағымдағы жөндеу жүргізіліп жатыр. 2023 жылғы 1 наурыз бен 31 шілде аралығында №7 қазандық агрегатына күрделі жөндеу аяқталған.
Жылыту маусымының басында Екібастұз қаласында 2 энергетикалық және 2 су жылыту қазандық агрегаты жұмыс істейді, резервте 2 қазандық агрегаты болады. Қазан айының 31-інде кестеге сәйкес тағы 4 қазандық агрегатының жөндеу жұмыстарын аяқтау жоспарланып отыр.
2023-2024 жылдардағы жылыту маусымына дайындық бойынша энергетикалық кәсіпорындарда жөндеу науқанының өтуі қатаң бақылауда.