Екі жасөспірім Сәтпаев атындағы су арнасына батып кетті
Олардың қасында ата-аналары мен басқа да ересек адам болмаған. Балалардың киімдері жағадан табылды.
Алматы, NEGE. Павлодар облысы төтенше жағдайлар департаментінің баспасөз қызметінің мәліметінше, 112 пультіне кеше сағат 18.00-де Екібастұз қаласының әкімшілік бағынысындағы Байет ауылының 6 және 7-сыныптың екі оқушысы Сәтпаев арнасына бет алып, қайтып оралмағаны туралы телефон арқылы хабарлама келіп түсті.
Екібастұз қаласының құтқарушылары түнде бір баланың, таңертең екінші баланың денесін тапты.
Облыстық төтенше жағдайлар департаменті жабдықталмаған су айдындарында шомылуға тыйым салынғанын ескертті.
