Екі адамды өлтіріп, артынша өз-өзіне қол жұмсаған
Курчатовта пәтерден үш ер адам өлі табылды
, деп хабарлайды zakon.kz.
Алматы. NEGE. Полицияның мәліметінше, 21 желтоқсанда Курчатовта атыс қаруын қолдану арқылы аса ауыр қылмыс жасалды, көпқабатты үйдегі пәтерлердің бірінен үш ер адамның денесі табылды.
«Алдын ала мәліметтер бойынша, қылмыскер (марқұмдардың бірі) қылмыс жасағаннан кейін өз-өзіне қол жұмсаған. Қайтыс болған ер адамдардың жеке басы анықталды, марқұмдардың барлығы Курчатов қаласының тұрғындары», - деді ШҚО ПД басшысы Сағат Мәдиев.
Қазіргі уақытта ҚР Қылмыстық кодексінің 99-бабы, 2-бөлігі, "Адам өлтіру" бойынша сотқа дейінгі тергеу амалдары жүргізіліп жатыр. Тергеу мүддесіне байланысты басқа ақпарат жария етуге жатпайды.
Полицияның айтуынша, бұл оқиғаның көшеде болғаны туралы айтылған әлеуметтік желідегі ақпарат шындыққа сәйкес келмейді.