Екібастұздағы ауруханалардың бірінде зейнеткердің 13 млн теңгесі ұрланған
Екібастұз полициясына зейнеткер әйел хабарласып, банктегі шотынан белгісіз біреу 13 млн теңге сомасында ақша қаражатын ұрлағанын жеткізген.
Алматы, NEGE. Полиция аталған қылмысты ашуға бағытталған іс-шараларды қабылдады. Жедел-іздестіру іс-шараларын жүргізу барысында зейнеткердің биылғы 28 қараша–2 желтоқсан аралығында аурухананың инсульт бөлімшесінде емделгені анықталды. Онымен бірге палатада бірнеше пациент болған.
Полицейлер әлгі палатада зейнеткердің банктік мобильді қосымшасына заңсыз кіріп, шотынан ақша ұрлаған жас әйелді анықтады. Күдікті кінәсін мойындап отыр.
Тәртіп сақшылары ұрлық дерегі бойынша қылмыстық іс қозғады.
Күдіктіге қатысты бұлтартпау шарасы тағайындалды.