Екібастұзда өртенген жылу камерасынан әйелдің денесі табылды
Екібастұзда Мәшһүр Жүсіп пен Пішенбаев көшелерінің қиылысында орналасқан жерасты жылу камерасында өрт шықты.
Алматы, NEGE. Мәшһүр Жүсіп көшесінде орналасқан жылу жүйелері құдығының жанып жатқаны туралы хабарлама келіп түсті. Өрт сөндірушілер оқиға орнына дереу жетіп, жылу камерасының ішіндегі жанған қоқыс пен матрацты сөндірді.
Камераға кіреберісте бойында ешбір тіршілік белгісі жоқ әйел адамның мүрдесі табылды. Анықталғандай, марқұм тұрғылықты жері жоқ адам болып шықты. Оқиғаның себебі анықталып жатыр.
Өртті сөндіруге департаменттің 6 қызметкері мен 1 өрт сөндіру техникасы жұмылдырылған.
Полиция департаментінің хабарламасына сәйкес, әйелдің жеке басына қатысты деректер анықталған. Қазіргі уақытта сараптама тағайындалып, соның нәтижесінде процессуалдық шешім шығарылады.