Екібастұзда кәсіпкер 140 ұпай жинаған түлекке 5 миллион теңге беретінін айтты
Өңірдегі оқушылар ҰБТ-да ең жоғары ұпай жинаса, 5 млн теңгенің сертификатын иелене алады. Жергілікті кәсіпкер, меценат түлектерді осындай ерекше сыйлықпен талпындырып отыр, – деп хабарлады inform.kz.
Алматы, NEGE. Жалпы, «Зерде» мамандандырылған мектебінің түлектері тарапынан игі бастамалар жиі ұйымдастырылады. Былтырғы жылдың қараша айында аталған мектеп түлегі пән олимпиадасында жетістікке жеткен 11-сыныптың екі оқушысына 30 мың теңгеден стипендия тағайындаған еді.
Аталған білім ордасын 2014 жылы бітірген кәсіпкер бұған дейін мектептің 20 жылдық мерейтойын 1 миллион теңге ақшалай қаражатпен қолдаған. Бұл жолы да ол тамаша бастамасымен түлектерді білімге ерекше ынталандырды.
