Спорт
Екі төреші Қазақстан Премьер-лигасының матчтарынан уақытша шеттетілді
Қазақстан футбол федерациясы төрешілер Санжар Ысқақов пен Татьяна Сорокопудованы ұлттық жарыстар аясындағы матчтарға қызмет көрсетуден уақытша шеттетті.
Астана, NEGE. Бұл шешім Қазақстан Премьер-лигасының соңғы турында – «Ордабасы» – «Атырау» матчында жіберілген өрескел қателіктерге байланысты қабылданды.
Айта кетейік, бұған дейін Қазақстан футбол федерациясының Төрешілік және қадағалау департаментінің директоры Нуну Каштру төрешілер мен VAR тарапынан жіберілген үш негізгі қателікті растады. Атап айтқанда, 82-минутта төреші голды офсайд деп есептемеген, 90+7-минутта пенальтиді қателесіп тағайындаған, 90+13-минутында абайсыз әрекет үшін сары қағаз берудің орнына ойыншыны алаңнан қуу жөнінде қате шешім қабылдаған.
Матчта VAR төреші болған Татьяна Сорокопудова да қателік жіберген.
Бұл қателіктер матч нәтижесіне әсер етті.
Төрешілерлің мәртебесіне қатысты түпкілікті шешім федерацияның құзыретті органдары тарапынан жан-жақты тексеріс жүргізілгеннен кейін қабылданады.