Екі қазақстандық боксшы Азия чемпионатының ширек финалына өтті
Оразбек Асылқұлов пен Бейбарыс Жексен бокстан Азия чемпионатының ширек финалына шықты.
Алматы, NEGE. Қазақстандық боксшылар Чианг Майда (Тайланд) өтіп жатқан бокстан Азия чемпионатын сәтті бастады.
Оразбек Асылқұлов (57 келі) екінші айналымда малайзиялық Зулхайлан Мохамадты жеңді. Ол қарсыласын нокаутқа түсірді. 5 желтоқсанда Оразбек жартылай финалға шығу үшін ринг иесі Тайландтық Чуджан-Атом Пануватпен кездеседі.
Бейбарыс Жексен (60 келі) өзбекстандық Дилшод Абдумурудовты 4:1 есебімен ұтты. 5 желтоқсанда Бейбарыс тәжікстандық Акмал Убайдовпен кездеседі.