Ефремов қағып өлтірген адамның отбасына 800 мың рубль төлейді
Михаил Ефремовті сегіз жылға бас бостандығынан айыру. Бүгін Мәскеудің Пресненск соты ресейлік кино және театр актерінің қылмысына қатысты осындай үкім шығарды.
Алматы, NEGE. Естеріңізге салсақ, 8 маусым күні көлігін мас күйінде басқарған Ефремов жол көлік апатына ұшыраған еді. Өзі апаттан дін аман қалса да, қарсы беттегі көлік жүргізушісі ауыр жарақаттан көз жұмды. Ефремовты абайсыз адам өліміне әкеп соққан апат үшін айыпты деп таныған сот қайтыс болған азаматтың ұлына 800 мың рубль төлеуге міндеттеді. Михаил Ефремов 8 жылға бас бостандығынан айырылған болатын.
