Эдуард Ким мен Наргиза Болатова әртістік жүзуден Әлем чемпионатында үздік ондыққа енді
Сингапурда өтіп жатқан су спорт түрлерінен әлем чемпионатында Қазақстан құрамасының өкілдері Эдуард Ким мен Наргиза Болатова әртістік жүзуден финалдық кезеңде өнер көрсетті.
Алматы, NEGE. Отандастарымыз аралас жұптар арасындағы техникалық бағдарламада үздік ондықтың қатарына енді.
Ким мен Болатова бұл бағдарламада төрешілердің шешімімен 199.8050 ұпай жинап, жетінші орынды иеленді.
Ал бірінші орынды ресейлік спортшылар жеңіп алды. Күміс жүлде Испания құрамасына тиесілі болса, италиялық жұп қола жүлдеге ие болды.
