Есеп комитеті: Қазақстанның мемлекеттік қарызы қауіпсіз деңгейден асып кетті
Қазақстанның мемлекеттік қарызының деңгейі ЖІӨ-нің 29,4% құрайды. Республикалық бюджеттің атқарылуын бақылау жөніндегі есеп комитетінің төрайымы Наталья Годунова осы негіздегі алаңдаушылығын Мәжілістің жалпы отырысында айтты, деп хабарлайды zakon.kz.
Алматы, NEGE. Годунованың айтуынша, мемлекеттік қарыз жыл сайын өсуге бейім болып алған.
«Есеп комитеті соңғы жылдары ескертіп жүрген қауіп-қатер тәуекелдері орын алып жатыр. Қазір бұл 20,6 трлн теңгені құрайды. Қарыздың ЖІӨ-ге қатынасы 29,4% -ке жетті әрі Жаңа фискалдық саясат тұжырымдамасында белгіленген 27% шегінен асты. Естеріңізде болар, 2014 жылға дейін мемлекеттік қарыздың қауіпсіз деңгейі ЖІӨ-нің 22% құрады. Бірақ ол жоғарылатылды. Оған негізді біз ол кезде байқамадық. Осыған байланысты қазіргі 29% жоғары деңгей болып саналады», - деді ол.
Сонымен қатар Есеп комитетінің басшысы жергілікті атқарушы органдар қарызының күрт өскенін, яғни 5 есеге артқанын айтты. Ол осы жылдың басында 1,1 трлн теңгені құраған, ал 2020 жылғы 1 қаңтардағы жағдай бойынша 217 млрд теңге.
«Әзірге, бұл бекітілген 1,6 трлн теңге лимиттің шегіндегі көлем, бірақ бұл да болашақта тәуекел тудырады», - деп сөзін қорытындылады Годунова.
Қазір оқып жатыр
Алматы және Алматы облысында электр энергиясы тарифін 8,3%-ға көтеру ұсынылды
Әбілқасымованы отставкаға жіберу туралы петицияға агенттік жауап берді
Таиландтан сәлемдеме алып жүрген алматылық жігіт 16 жылға сотталды
Ресейде кәмелетке толған азаматтарға әке-шешесін ата-ана құқығынан айыруға рұқсат етілмек
